Verkefni Evrópuforseta

Yfirskrift tímabilsins 2011-2013 er: „Soroptimistar huga að vatni og fæðu“

Í bréfi frá Kathy Kaaf, forseta Evrópusambandssins segir m.a.:

Við viljum sérstaklega halda upp á þetta á 20. Evrópuþingi SI/E sem haldið verður í Berlín, Þýskalandi 2013.

Við munum ræða um hungur og vannæringu og við viljum vekja athygli á hvers vegna konur ættu að fá að taka virkan þátt í landbúnaðarframleiðslu og sjálfbærni til að bæta lífsafkomu fjölskyldu sinnar og síns nánasta umhverfis.

Aðaláhersluatriðin eru:

• Aðgengi að öruggum vatnsveitum, ræktun og áveitutækni,
• Aukning á sjálfbærni í landbúnaðarframleiðslu, líffræðilegri fjölbreytni og þekkingu á loftslagsbreytingum og afleiðingum þeirra, þekkingu á heimilisfræði og landbúnaðartækni,
• Fiskveiðar, skógrækt, búfjárrækt, garðyrkja, barnagarðar og skólagarðar,
• Varðveisla, geymslutækni og dreifing matvæla,
• Styrking á hlutverki kvenna í samfélaginu með því að veita þeim aukið aðgengi að menntun og tekjuaflandi starfsemi , aðgengi að smálána þjónustu, betri stefnumótunarvinnu,
  

Við viljum einnig leggja áherslu á hina hlið litrófsins með því að vekja athygli á ofþyngdarvandamálum, offitu og öllum þeim hliðarverkunum sem offita hefur í för með sér.

Þar eru aðaláherslurnar:

• Meðvitund um heilbrigðar matarvenjur með aukinni menntun og færni,
• Þekking á sjálfbærni varðandi landbúnaðarframleiðslu og fæðu,
• Vekja athygli á siðlausri spámennsku sem tengist fæðu og landbúnaðarafurðum og landauppkaup,
• Leggja áherslu á heimagarða, barnagarða og skólagarða (ræktun í körfu),
• Ráðstafanir til að efla sanngjarnari viðskiptakerfi og skattlagningu sem gerir smáræktun arðvænlega,
• Minnka sóun á matvælum, auka meðvitund um umhverfismál og sjálfbærni. 
  

Hjarta Soroptimismans eru klúbbarnir okkar. Án klúbbfélaganna væri ekki til neitt Soroptimista net. Án félaga okkar verða engin verkefni unnin á alþjóðavettvangi. Við skulum því móta framtíðina saman og gera Soroptimistahreyfinguna að Alþjóðlegri rödd kvenna.

Bréfið frá Kathy Kaaf má lesa í heild sinni hér:

Nánar um verkefni Evrópusambandsins má sjá hér: http://www.soroptimisteurope.org/en/projects/index.html

Verkefni tímabilsins 2007-2009:

Soroptimistar sækjast eftir vatni (e. "Soroptimists go for water") er yfirskrift forseta Evrópusambandsins Mariet Verhoef-Cohen 2007-2009.
Klúbbar eru hvattir til að sinna a.m.k. einu vatnsverkefni á tímabilinu. Hægt er að vinna með öðrum klúbbum innan sama landssambands eða í öðrum löndum.
Með því að leggja áherslu á vatnið er unnið í tengslum við alþjóðlega áratuginn 2005-2015 sem helgaður er „Vatni fyrir lífið" og þúsaldarmarkmið Sameinuðu þjóðanna sem eru m.a. þau að vinna að bættu heilsufari kvenna, að lækka dánartíðni barna og að lækka um helming hlutfall þeirra sem ekki hafa aðgang að öruggu neysluvatni og fullnægjandi hreinlæti árið 2015.
Ráðstefna Evrópusambands Soroptimista sem haldin verður í Amsterdam 10.-12. júlí 2009 verður helguð vatni.