Verkefnamarkmið

Alþjóðasamband Soroptimista setur sér markmið til fjögurra ár í senn sem verkefnaval samtakanna á að taka mið af á hverjum tíma.

Markmið starfstímabilsins 2011-2015

Markmið 1

Alþjóðasamtök Soroptimista vilja bæta líf og stöðu kvenna og stúlkna með menntun, stuðningi og auknum tækifærum.

Leiðir að markmiði:

1. Auka aðgengi  að formlegum og óformlegum menntunartækifærum.
2. Bæta aðgengi að efnahagslegum stuðningi og sjálfbærum atvinnutækifærum kvenna. 
3. Uppræta ofbeldi á konum og stúlkum og tryggja þátttöku kvenna við lausn deilumála. 
4. Tryggja að konur og stúlkur njóti fæðuöryggis og aðgangs að bestu fáanlegu heilsu-gæslu. 
5. Sinna sérstökum þörfum kvenna og stúlkna með því að auka sjálfbæra umhverfis-vernd og milda áhrif loftslagsbreytinga og hamfara. 

Markmið 2

Alþjóðasamtök Soroptimista vilja vera alþjóðleg rödd sem vill auka aðgengi kvenna og stúlkna að menntun og leiðtogaþjálfun. 

Leiðir að markmiði:

1. Styrkja og bæta stöðu Alþjóðasamtaka Soroptimista sem málsvara á öllum stigum. 
2. Efla virkni og samstarf sem eykur alþjóðlega kynningu og sýnileika 
3. Alþjóðasamtaka Soroptimista. 
4. Tryggja að kjarninn í alþjóðlegri kynningarstarfsemi Alþjóðasamtaka Soroptimista endurspeglist jafnt í staðbundinni sem alþjóðlegri starfsemi.

Samþykkt af stjórn Alþjóðasambands Soroptimista og atkvæðisbærum fulltrúum á fundi stjórnar Alþjóðasambands Soroptimista í Montreal 2011.
Sigrún Klara Hannesdóttir Reykjavíkurklúbbi og Sigríður Þórarinsdóttir úr Snæfellsnesklúbbi þýddu úr ensku.

Markmið starfstímabilsins 2007 – 2011 sem voru kölluð leiðarljós í starfsemi Soroptimista um allan heim, voru: 

Markmið

Soroptimistar leitast við að tryggja að konur og stúlkur

• njóti jafnræðis og jafnréttis 
• lifi í öruggu og heilsusamlegu umhverfi 
• hafi aðgang að menntun 
• hafi leiðtogahæfni og hagnýta þekkingu

Tilgangur

• Að uppræta fátækt og kynjamismun með því að tryggja konum full félagsleg og efnahagsleg réttindi. (Efnahagsleg og félagsleg þróun)
• Að binda endi á mansal og hvers konar ofbeldi gegn konum og stúlkum. (Mannréttindi og staða konunnar)
• Að tryggja konum og stúlkum aðgengi að heilsugæslu.  (Heilbrigðismál)
• Að styðja verkefni og stefnumál sem gætu upprætt HIV/alnæmi, malaríu, berkla og aðra alvarlega sjúkdóma. (Heilbrigðismál)
• Að bæta aðgengi að hreinu vatni, hreinlætisaðstöðu og nauðsynlegu fæðuframboði. (Umhverfismál) 
• Að kynna áhrif loftslagsbreytinga og tengja hugmyndir um sjálfbærni inn í persónulega valkosti og hafa áhrif á opinber stefnumál og verkefni. (Umhverfismál)
• Að mæta þörfum kvenna og stúlkna við vopnuð átök og hamfarir, bæði á meðan á þeim stendur og einnig þegar þær eru afstaðnar. (Alþjóðleg vinátta og skilningur)
• Að stuðla að friðvænlegri lausn deilumála, skilningi milli menningarheima og mismunandi kynþátta og fordæma hvers kyns þjóðarmorð og hryðjuverk.  (Alþjóðleg vinátta og skilningur)
• Að tryggja jafnt aðgengi að menntun og þjálfun alla ævi. (Menntamál)
• Að tryggja konum framgang í stjórnun, stjórnmálum og ákvarðanatöku. (Efnahagsleg og félagsleg þróun)
  

Samþykkt af stjórn Alþjóðasambands Soroptimista og atkvæðisbærum fulltrúum á fundi stjórnar Alþjóðasambands Soroptimista í Glasgow 2007.
Sigrún Klara Hannesdóttir Reykjavíkurklúbbi þýddi úr ensku.