Uppbygging samtakanna

Soroptimist International nefnist á íslensku Alþjóðasamband Soroptimista.

Alþjóðaforseti er kosinn til tveggja ára í senn og það er í reynd hann sem leggur línurnar, kemur með ný viðhorf og ferska strauma, enda kemur ætíð nýr forseti frá nýju heimshlutasambandi.  Núverandi forseti er Hanne Jensbo (2009-2011) frá Evrópusambandinu.

Alþjóðaforseti hefur sér til fulltingis alþjóðastjórn sem í eru, auk stjórnar Alþjóðasambandsins, þrír fulltrúar (núverandi, fyrrverandi og verðandi forsetar) frá heimshlutasamböndunum fjórum.  Í alþjóðasamtökunum eru 90.000 félagar í rúmlega 3000 klúbbum sem mynda þessi fjögur heimshlutasambönd.  Stöðugt bætast við ný lönd, sérstaklega í Austur-Evrópu.

Forseti Evrópusambands Soroptimista er Eliane Lagasse frá Belgíu.  Á tveggja ára starfstíma hennar (2009-2011) verður áfram lögð áhersla á verkefnið „Soroptimists go for water" eða „Soroptimistar sækjast eftir vatni”.