Viljið þið upplifa öðruvísi kvöldstund?

Þá gefst einstakt tækifæri 19. maí en Suðulandsklúbburinn ætlar að standa fyrir skemmtikvöldi. Siglt verður með hvalbátnum Andreu frá Reykjavíkurhöfn út á Faxaflóa kl. 18.00 og ráðgert að koma til baka um kl. 21.00. Ætlunin er að skoða hvali af öllum mögulegum tegundum og njóta veitinga um borð en hægt verður að kaupa samlokur, bjór og vín og eitthvað fleira. Bjóddu nú maka þínum, vinkonu eða börnum (ekki of ungum, þar sem að vín verður haft um hönd). Miðaverð er kr. 4.000 og mæting er við höfnina kl. 17.30

Sýnum samstöðu, látum gott af okkur leiða og skemmtum okkur saman.
Með kveðju frá systrum í Soroptimistaklúbbi Suðurlands.

Sólveig Eggertz Pétursdóttir er Soroptimistasystir og heiðursfélagi í Soroptimistaklúbbi Seltjarnarness.

Sólveig er fædd 1925 og verður því 87 ára á þessu ári.

Sólveig lærði myndlist í Myndlistaskólanum í Reykjavík og fór síðan utan til náms við Heatherly School of Fine Arts í London.

Sýningin er í Menningarsal Hrafnistu í Hafnarfirði er er opin alla daga kl. 13.30 – 17.00 og stendur til 20. júní 2012

Nú um helgina 27-29 apríl var Landssambandsfundurinn okkar haldinn í umsjón Soroptimistaklúbbs Mosfellssveitar. Hugguleg móttaka var í boði bæjarstjórnar Mosfellsbæjar á föstudagskvöldið í Kjarna, sem hýsir bókasafnið og Listasal Mosfellsbæjar. Fundarhöld voru í því gamla, góða félgasheimili, Hlégarði, og var aðsókn mikil en systur sem sátu fundinn voru rétt tæplega tvö hundruð. Á laugardagskvöldinu var síðan glæsileg veisla sem líka var haldin í Hlégarði og mættu þangað um 150 prúðbúnar systur. Nutu systur þar góðs matar, ljúfra skemmtiatriða, glæsilegs listaverkahappdrættis og ekki hvað síst góðs félagsskapar og góðrar samveru. Systur í Mosfellssveitarklúbbi mega vera mjög ánægðar með alla fyrirhöfnina, hún var hverrar mínútu virði.

Á myndinni sjáum við hvar Ingunn Ásdís forseti þakkar systrum sem ganga úr stjórn Landssambandsins í haust, þeim Ásdísi Sigurjónsdóttur ritara, Sigríði Þórainsdóttur sendifulltrúa, Margréti Arnórsdóttur öðrum varaforseta, Önnu Þórðardóttur gjaldkera og Hólmfríði Pálsdóttur vefstjóra. Þær tvær síðastnefndu voru endurkjörnar og verða því áfram í stjórn næstu tvö árin.

Soroptimistaklúbbur Trevigilio á Ítalíu stendur fyrir alþjóðlegri samkeppni í ljósmyndun. Samkeppnin er öllum opin og er umsóknarfrestur til þátttöku til 20. maí n.k.

Soroptimistar sem hyggjast skrá sig til leiks þurfa að taka sérstaklega fram að þeir séu Soroptimistar með því að setja „SI member“ við hlið undirskriftar sinnar.

Sé það gert mun helmingur þátttökugjaldsins ( 6 evrur) renna í sjóð Ítalska klúbbsins.

Sjá nánar bréf frá ítalska klúbbnum hér neðar:

Þá eru öll gögn vegna Landssambandsfundarins komin á innri vefinn.

Dagskrá fundarins í Mosfellsbæ er sem hér segir.

Öll gögn vegna fundarins er að finna á innri vefnum undir Fundir -> Landssambandsfundir