Viljið þið upplifa öðruvísi kvöldstund?

Þá gefst einstakt tækifæri 19. maí en Suðulandsklúbburinn ætlar að standa fyrir skemmtikvöldi. Siglt verður með hvalbátnum Andreu frá Reykjavíkurhöfn út á Faxaflóa kl. 18.00 og ráðgert að koma til baka um kl. 21.00. Ætlunin er að skoða hvali af öllum mögulegum tegundum og njóta veitinga um borð en hægt verður að kaupa samlokur, bjór og vín og eitthvað fleira. Bjóddu nú maka þínum, vinkonu eða börnum (ekki of ungum, þar sem að vín verður haft um hönd). Miðaverð er kr. 4.000 og mæting er við höfnina kl. 17.30

Sýnum samstöðu, látum gott af okkur leiða og skemmtum okkur saman.
Með kveðju frá systrum í Soroptimistaklúbbi Suðurlands.

7. forsetabréf starfsársins 2011-2012 er komið á vefinn.

Þar fjallar forseti m.a. um einkar vel heppnaðan landssambandsfund í Mosfellsbæ 28. apríl 2012 og vef Soroptimistasambandsins.

Forseti hvetur systur til að kynna sér og nýta betur vefinn, en þar er hægt að skrá sig á póstlista og fá fréttir í tölvupósti, kynna söluvarning klúbba og tengiliði og bóka fundaraðstöðuna í Hamraborg.

Kominn er lokaður Facebook hópur sem systur eru hvattar til að skrá sig í og sömuleiðis er til Facebook síða fyrir Soroptimista til kynningar á samtökunum. Mikið af myndum o.fl. frá Landssambandsfundinum er nú komið á Facebook.

Innihald bréfsins má sjá með því að smella hér.

6. forsetabréf starfsársins 2011-2012 er komið á vefinn.

Þar fjallar forseti m.a. um væntanlegan landssambandsfund í Mosfellsbæ 28. apríl 2012, 90 ára afmæli Soroptimistasamtakanna, styrktarsöfnun v/hörmunganna í Japan, Handbók SI/E og vefinn okkar.  

Innihald bréfsins má sjá með því að smella hér.

Sólveig Eggertz Pétursdóttir er Soroptimistasystir og heiðursfélagi í Soroptimistaklúbbi Seltjarnarness.

Sólveig er fædd 1925 og verður því 87 ára á þessu ári.

Sólveig lærði myndlist í Myndlistaskólanum í Reykjavík og fór síðan utan til náms við Heatherly School of Fine Arts í London.

Sýningin er í Menningarsal Hrafnistu í Hafnarfirði er er opin alla daga kl. 13.30 – 17.00 og stendur til 20. júní 2012

  Hér má sjá þá glæsilegu vinninga sem í boði  verða á styrktargolfmóti Soroptimistaklúbbs Reykjavíkur þann 2. júní 2012.