11.- 13. júní voru haldnir norrænir vinadagar í Bergen í Noregi.  Frá Íslandi fóru Guðrún Erla Björgvinsdóttir forseti, Arnheiður Ingólfsdóttir, Bakka- og Seljaklúbbi, og Heiður Vigfúsdóttir, Reykjavíkurklúbbi, ásamt eiginmanni sínum Birgi Guðjónssyni.

Forsetafundur var haldinn kl. 10:00-17:00 á föstudeginum og fjallaði hann að mestu um yfirlýsinguna sem skrifað var undir á vinadögum í Reykjavík 2008 um að vinna gegn mansali og öllu ofbeldi á konum.

Júní útgáfa TIS, The International Soroptimist er komin á veraldarvefinn.

Þar segir ritstjórinn, Sheila Manchester, hversu vel Soroptimistar um heim allan tóku þessari nýbreytni að geta gerst áskrifendur og lesið blaðið á rafrænu formi og að auki fá það sent til sín frítt, beint í pósthólfið. Gerist áskrifendur hér.: editor@soroptimistinternational.org 

Hér getið þið lesið blaðið:  http://content.yudu.com/A1o42z/TIS2/

Hátíðarhöld á kvenréttindadaginn 19. júní verða í Tjarnarsal Ráðhúss Reykjavíkurborgar kl. 16:00.  Frekari fróðleik og dagskrá er að finna í neðanverðu pdf-skjali.  Einn dagskrárliður er úrslit hönnunarsamkeppni Skotta og Hönnunarmiðstöðvar Íslands á barmmerki kvennafrídagsins.  Soroptimistasamband Íslands (SI/Í) hefur gefið verðlaunaféð,   kr. 250.000, í þessa hönnunarsamkeppni og mun Margrét Rögnvaldsdóttir, 1. varaforseti og fulltrúi stjórnar SI/Í í Skottufélaginu, tilkynna um úrslit.  Boðskort á hátíðarhöldin hefur verið sent út í klúbbana.

Dagskrá (pdf-skjal)